mere andar kuch nhi hai. kabhi kabhi sochta hu mujhme aur ladne ki takat nahi hai. peechhe mudkar dekhu to rasta bhi gayab. mein apne aap ko pehchan nahi pa raha. esa lag rha hai ki chati ke beech dil ke jage vishal sa ched hai. usme se hawa chalti hai. mein koi hu hi nahi. sirf ye ched.
8 comments
Ap takt rakhiye, dekhna ye samay bhi beet jayga. Kisi din ap dubara peche mudke dekhenge to in dinon ko yaad krenge jab apke chhati me chhed thi. Ye sab tab dur ki baat. Iss chhed se badhkar, shayd zindagi me sukhi bhi milegi. Bas takt rkhiye.
jab aapko khud apne baaton mein vishvas nhi hai to mujhe kyu khila rahe hein?
Kaun bola vishwas ni he?
hota toh aap yahan thodi hote
Lol. Bat to sahi he. Mujhe zindagi me vishwas to he, sirf apne bhavishya se kuch nhin chahti.
Is site par Hindi bhasha dekhkar aacha laga. Ek baat mai apne experience se keh sakta hun ki past mai kuch nahi rakha. Wahan par apna aadhar dhoondne ki koshish karne se behtar hai future par focus karna. Tumhare peeche ka rasta gayab hai par aage ka to nahi.
@TheOpenRoad maine bhi apna bohot time existential dread mai suffer karte spend kiya hai. Par ab whi cheez mujhe enjoyment deti hai. Meaninglessness shuru mai negative lagti hai, par ek bar hum isse saturate ho jayein to ye positive bhi ho sakti hai.
Ab aage aur kya hai? Shadi? Pachas saal tak naukri? Mere akelepan ka koi ilaj nhi hai. Aaj bhi ese hi hu, tab bhi ese hi rahunga.
Akelapan bimari nahi jiske ilaaj ki zaroorat ho. Ye sach ho sakta hai ki kuch na badle. Lekin abhi jo cheeze tumhe kafi negative mehsoos ho rhi hein unki negativity time k sath kam ho jaye aisa ho sakta hai.